Kreativ og dyktig frilansjournalist med base i Oslo.

Eg skriv fast for fleire oppdragsgjevarar, men tar gjerne imot nye oppdrag. Eg er spesielt glad i å gå i djupna og har skrive mange reportasjar, portrettintervju og forskingssaker. I 2015 vart eg tildelt ViS-prisen for kritisk, innsiktsfull og vederheftig forskingsjournalistikk for forteljinga om den drapsdømte seismologen Giulio Selvaggi. Eg leverer saker kontinuerleg, og på nettsida mi finn du eit lite utval.

Ved sida av frilansinga har eg halde fleire forelesingar om forteljande journalistikk og forskingsjournalistikk for studentar ved OsloMet. Eg har vore sensor for masterstudentar, samt bidragsytar til boka Putting a Face on It. Individual Exposure and Subjectivity in Journalism (Cappelen Damm, 2017).

Journalistutdanninga mi har eg frå Høgskolen i Oslo (2003). Seinare fullførte eg ein bachelorgrad i samfunnsøkonomi og utviklingsstudiar, samt ein master i journalistikk (2014). Mitt journalistiske yrkesliv starta i lokalradioen Radio Storfjord. Etter det har eg jobba i Vårt Land, Forskerforum og Magasinet Plot. Eg har også jobba med forskingskommunikasjon ved CICERO Senter for klimaforskning og Universitetet i Oslo, samt med redigering av forskingssaker hos Forskning.no.

Ved sida av frilansinga har eg ei deltidsstilling ved Nasjonalt senter for selvmordsforskning og -forebygging, der eg er i redaksjonen til tidsskriftet Suicidologi.